Daeargryn 1984

Am 06:56 UTC (07:56 BST) ar 19 Gorffennaf 1984 digwyddodd y ddaeargryn fwyaf ar dir Prydain ers dechrau cyhoeddi cofnodion. Fe ddigwyddodd yn Nefyn, Penrhyn Llŷn, Gwynedd, gan fesur 5.4 ar y raddfa Richter. Ewch yma i weld rhai o sylwadau trigolion yr ardal ar y pryd:

Diolch i’r cyfryngau cymdeithasol (Cymuned Llên Natur FB) mae’n bosibl ail ymweld âr diwrnod hwn trwy gof a chofnod y rhai a fu’n byw drwyddo. Mae’r map yn dangos dosbarthiad y cofnodion hyn dros Gymru a thu hwnt, yn ogystal â’r cofnodion eu hunain wedi eu priodoli, trwy rif’, i’w lleoliad ar y map.

GELLIR TRIN HWN YN FAP “BYW”. Mae’n rhaid bod miloedd o bobl wedi profi (neu fethu a phrofi - mae cofnodion negyddol o werth hefyd) y digwyddiad, a mater hawdd yw ychwanegu mwy o gofnodion i’r map petaech yn eu hanfon atom trwy Cymuned Llên Natur (Facebook) neu drwy ebost breifat, llennatur@yahoo.co.uk. Daliwch i dynnu ar eich cof - a chofnodi....

Mae'r ail fap (gwaelod isod) yn ceisio categoreiddio profiadau yn ôl eu maint, yn ôl 3 chategori - 'difrod', 'ysgwyd yn unig' a 'chlywed dim'. Isel yw'r cofnodion o 'ddim' hyd yma - peth anodd yw perswadio sylwebwyr am werth cofnodion negyddol. Mae'r tystiolaeth o 'ddifrod' wedi ei ganoli wrth gwrs ar benrhyn Llyn ond mae'r cofnod o ddifrod yn Warrington, swydd Gaer, yn amwys (ydi creiriau yn disgyn oddiar silff dresel yn cyfri fel difrod?)